Først: takk til Bent Høie for raskt svar 9. mai. Han går i rette med meg på eitt hovudargument, nemleg at departementet ikkje skaffar seg råd og i alle fall legg mindre vekt på faglege råd frå mindre sjukehus. Det er rett at både statsråden sjølv og prosjektgruppa har reist rundt og vitja helseføretaka. Men at faglege vurderingar og informasjonsflyten i helseføretaka er skeivvekta i favør av dei større sjukehusa, slik eg skriv i kronikken, det kommenterer helsestatsråden ikkje.