I desse dagar er det 70 år sidan Hitler-Tyskland kapitulerte. Mangt og mange kan dele æra for det, men mytane florerer: Den 25. januar i år hevda dagsrevyopplesaren at mange meiner vi kan takke Churchill for at ikkje Hitler vann krigen. Det kan vere at det er ei utbreidd oppfatning i dag, men i ein norsk gallup i 1946 om kva land som bidrog mest til Hitler-Tysklands fall, svarte 36 prosent Sovjetunionen, 29 prosent USA og 16 prosent Storbritannia. Dette var oppfatninga like etter krigsslutt og samsvarar med seinare forsking. Det var på austfronten Hitler møtte sitt avgjerande nederlag. Så kom den kalde krigen og Sovjet vart vår fiende, noko som påverka framstillinga av fortida i massemedia og film, som har større påverknadskraft enn forsking.