Morfar min, presten, vanka ikkje blant gutta på skogen under andre verdskrigen. Men han var iallfall såpass til motstandsmann at han var internert i Berg interneringsleir utanfor Tønsberg i ein periode (der spikka han ein ganske fin trehest), og siste del av krigen var han internert på Helgøya, saman med resten av familien sin. Han var aktiv medlem i Den midlertidige kirkeledelse, og han nekta å la dotter si bli dratt inn i den tyske arbeidstenesta. Han snakka ikkje så mykje om krigstida, men han hadde nokre bøker. Blant anna denne. «The Moon is Down».