Kvifor ser det ut som om Olav Randen og eg er på ulike klodar når vi skal prøva å seia noko om sekstimarsdagen? Kan det ha noko å gjera med våre erfaringar frå svært ulike delar av arbeidslivet? Den eine som sjølvgåande og sjølvstyrt geitebonde med forlagsdrift ved sida av, den andre frå ulike delar av privat og offentleg verksemd, altså lønnsarbeid der andre har styrt tida, og lønna har vore avhengig av arbeidstida. Det siste har gitt meg høve til å prøva både heilt ufleksibelt industriarbeidstid og ufrivillig deltid, og andre litt meir fleksible variantar. At dei materielle forholda kring oss også har noko å seia for tenkinga vår, har klokare folk enn meg funne ut lenge før mi tid.