Han Albert hadde med seg hunden sin, han lyder namnet Gutrom og er ein uvanleg glup svart og kvit sauehund, og so var det eg. Me tre gjekk etter det store fjellvatnet, og det var seinhaustes fyre isen la seg. I den stride vinden høyrde me bylgjone vaska kaldsleg mot strandsteinane. Det var sett nokre framandsauer her inne, ute or leid og skye og vrange å nå i, hadde det vorte sagt.