Namnet skjemmer ingen, heiter det. Det er løgn. Det er ei av desse kvardagsløgnene som me tilsynelatande trur på, men som me inst inne veit ikkje er sanne. For verda er ikkje slik. Visse namn i dagens Noreg har vanskar på jobbmarknaden. Det hjelper ikkje med utdanning og bakgrunn viss namnet til søkjaren ikkje fell i smak. Meir enn ein gong har det hendt at ein søknad blir lagd til sides, berre på grunn av namnet – førenamn eller etternamn.