William Nygaard har glidd langt ned i ein velbrukt skinnsofa. Han er i vante omgivnadar. Bibliotekbaren på Bristol har i ei årrekke vore stamplassen i møte med tallause framtidige forfattarar. I løpet av den sjenerøse timen me har sete side ved side i den behagelege skinnsofaen, omgitt av bøker, eit oljemåleri og fotografi frå ei svunnen tid, er det blitt rett livleg under lysekronene lenger ute i det ærverdige lokalet. No speler til og med pianisten.