Eg blir stadig sikrare på at A4-livet er sjeldnare enn einhjørningar, nærast umogleg å oppdrive sjølv for dei som vil ha det heilt vanleg og vere nøgde med det. Det er alltid noko ein ikkje kan sjå ved første augekast, nyansar, eit eller anna som skurrar. Dei underlege originalformata våre viser seg før eller sidan i hendingar og ikkje-hendingar, vanar og preferansar, ord mellom linjene, tause pakter. Livet er for stort for sidene me trykker det på, det blør ut i margen.