Me bygdeungar fram til midt på 60-talet gjekk på skule annankvar dag om skulen var todelt, annakvar veke eller to veker på og to veker frå om den var udelt. På sju år fekk me litt over 4000 undervisningstimar. Gutane skulle bli bønder eller skogsarbeidarar og jentene husmødrer og bondekoner, og til slike liv trong me berre elementære kunnskapar. Våre jamaldringar i byar, som kanskje skulle bli funksjonærar eller ingeniørar eller legar og vart underviste etter Lov om byfolkeskolen, gjekk 6400 timar, 60 prosent meir.