I mange år tenkte eg at ein burde organisere ein engelsk okkupasjon av Danmark. Nokre billass med utvalde aksjonistar køyrer om bord i ferja frå Harwich til Esbjerg for å krysse Nordsjøen eventuelt Vesterhavet i austleg retning. Ein av bilane har med opptaksutstyr av høg kvalitet, og helst mykje av det, i og med at ein trygt måtte rekne med at delar av utstyret etter kvart ville bli kverrsette. Så set ein kurs mot avtalt stad, gjerne ein landsby i eitt av dei grorike områda aust på Jylland, eller på ei av dei lunare øyane. Fyn hadde passa fint.