* Professor Frank Aarebrot spår i Dagbladet at Jens Stoltenberg kjem til å snu og utsette utsendinga av asylbarn. «Det er på tide at han viser at regjeringen også har en menneskelig side», slår Aarbrot fast. Han vil utsette utsendinga av rundt 450 asylbarn inntil stortingsmeldinga «Barn på flukt» blir lagt fram. Striden om ungane har vorte omtalt som «asylopprøret», også her i Klassekampen. Det har vekt reaksjonar at ungar som gjennom fleire år har vakse inn i lokalsamfunn, og som talar med plettfrie dialektar, skal kastast ut. Men saka har no vore oppe på 15 fylkesårsmøte i Arbeidarpartiet, og ifølgje Dagsavisen har ti av årsmøta stemt ned forslag om å utsette heimsendingane eller vedtatt fråsegner som stør dagens politikk. Skjebnen til asylbarna har opprørt mange, men det har ikkje utløyst noko opprør.