* Det har vore morosamt å følgje med på kranglinga mellom Aps parlamentariske leiar Helga Pedersen og Frp-leiar Siv Jensen om kor mykje skatt vi eigentleg betalar i Noreg. I intervju med amerikanske Reason TV hevda Jensen at snittnordmannen betalar «mellom 70-75 prosent» av inntekta i skatt. Helga Pedersen kontra med tal frå Finansdepartementet, kor vi visstnok berre betalar 38 prosent i snitt. Spindoktorane i Ap fiska kanskje fram intervjuet som ein motoffensiv til Høgres Erna Solberg, som like før hadde skulda statsminister Stoltenberg for å ljuge om den nordiske modellen i utlandet.