* Det går mot ein samansett økonomisk redningsaksjon for Island. Norske embetsmenn reiser seint, men vonleg godt til landet for å skaffe regjeringa førstehands informasjon. Storbritannia vil ifølgje Financial Times låne Island over 30 milliardar kroner for å dekkje tapa til britar som hadde sparekonto i den islandske banken Landsbanki. Regjeringa på Island vil denne veka truleg satse på eit statslån i regi av Det internasjonale pengefondet (IMF), der mellom anna dei nordiske landa vil bedne om å stille opp. Venstreopposisjonens krav om at regjeringa bør gå til dei nordiske landa først, ser ikkje ut til å føre fram.