Det har vekt stor undring i Sandefjord at kommunen har blitt ilagd ei bot på 80.000 kroner for å ha hatt ein tilsett som ikkje hadde opphalds- og arbeidsløyve. Sabah Magid, kurdisk flyktning frå Irak, fekk fast tilsetting i kommunen i 2005, på den tida hadde han mellombels arbeidsløyve. Da politiet gjorde kommunen merksam på at han ikkje lenger hadde lovleg opphald i landet, vart han oppsagd 2. februar 2006. I førre veka kom meldinga om at kommunen er bøtelagd for det politiadvokat Kjetil Baustad Egelie ifølgje Sandefjords Blad karakteriserer som ei «svært alvorlig» sak.