* Det er skuffande, men ikkje overraskande at utanriksminister Jonas Gahr Støre kontant slår att døra som SV har forsøkt å opne for å få ei norsk revurdering av boikotten av den palestinske Hamas-regjeringa. Når Støre i dag er frontfigur under ein konferanse i Madrid for ny dialog i Midtausten, har han i bagasjen Norges bidrag til ei ferd som er øydeleggjande for det palestinske samfunnet, som Midtausten-kjennaren Nils Butenschøn seier. Så lenge den vestlege boikottpolitikken står fast med Norges støtte, er det ikkje hjelp i velmeinande dialogseminar. I staden er Norge med på å hindre dialogen med palestinarane sine valde representantar.