* Inkluderingsminister Bjarne Håkon Hanssen har sett ned eit granskingsutval for å gjennomgå den såkalla UDI-skandalen, der 182 irakarar fekk humanitært opphald i Norge. Hanssen gjorde dette etter å ha vore piska rundt i ringen av Siv Jensen og Erna Solberg i vekevis, som ein boksar i ørska. Spørsmålet er om han har løfta ein stein som kjem til å lande tungt på føtene hans. Det meste tyder på at han vart informert av UDIs tidlegare sjef, Trygve Nordby, om UDIs vurderingar så snart han var på plass i statsrådstolen. Han kan ikkje skuve alt ansvaret over på Nordby og den førre regjeringa.