Med sitt innlegg «Uten verdi» i Klassekampen 17. august viser Fredrik Engelstad at han uten fagleg grunnlag har vurdert Marx' verditeori som passé. Han presterer nemleg å seie at sjølv om det ikkje «har dukket opp» ei empirisk gransking som viser at Marx' teori er «fruktbar», kan det dukke opp ei slik i framtida ein gong (!).Engelstad grunngir skepsisen mot verdibegrepet, som Marx overtok frå Smith og Ricardo, med at det berre er ein modell, og såleis ikkje til å stole på. Men modellar er ikkje alltid å forakte. Dei treng slett ikkje vere reine fiksjonar, slik tradisjonen frå Nietzsches (tøvete) språkfilosofi liker å hevde. Strukturen i eit atom blir av fysikarane presentert som ein modell, men denne har både i Hiroshima og andre stader demonstrert ein viss objektivitet.