Dommen frå Oslo Tingrett først i mai gav ei iransk flyktningkvinne full støtte på alle vesentlege punkt i søksmålet ho hadde reist mot staten. Retten slo fast at ho tilhøyrer ei sosial gruppe som er spesielt utsett for forfølging, at ho er truverdig, sjølv om Utlendingsnemnda (Une) valde å ikkje tru på historia hennar. Men staten har altså valt å ikkje godta denne dommen. Stortingsrepresentant Ågot Valle (SV) reagerer sterkt på at staten v/Une har anka saka.