Tysdag la familiekomiteen i Stortinget fram ei samrøystes innstilling om erstatningsordningar for barn i barneheimar og spesialskolar. Innstillinga er ikkje at alle som har opplevt overgrep, skal få 300.000 kroner, slik Dagsrevyen kringkasta søndag, men at erstatningane skal ha ei øvre grense på 300.000 kroner. Det skal gjerast skjønnsmessige vurderingar av søknader om erstatning, men det skal leggjast stor vekt på søkjaren si eigenerklæring. Same rett til å søkja erstatning skal gjelda for barn plasserte i fosterheim som har vore utsette for overgrep.