I dag startar ei arbeidsrettssak som kan bli interessant for mange. Norsk sykepleierforbund (NSF) har gått til sak mot Bemanningscompagniet. Dette vikarbyrået fekk mykje positiv omtale da dei for fire år sia inngjekk tariffavtale med NSF, og med det tok hand om dei tilsette sine rettar, inkludert pensjon. Men desse paradisiske tilstandane skulle ikkje vara. I desember 2004 vart NSF kjend med at Bemanningscompagniet hadde meldt fleire av sjukepleiarane ut av den tariffesta pensjonsordninga, og kravd tilbake innbetalt pensjonspremie. Dette er bakgrunnen for søksmålet frå NSF.Denne saka kan samtidig vera eit førevarsel om kva mange kan venta seg av det moderne arbeidslivet, der fleire og fleire skal læra seg å ta til takke med ein mellombels jobb.