Den faktiske situasjonen for kvinner i Iran, og spesielt for skilde kvinner og kvinner som har blitt skulda for utruskap, var eit sentralt tema for dei vitna som i går vart høyrde i rettssaka som har gått føre seg i Oslo tingrett dei to siste dagane. Ei iransk kvinne som har fått avslag på søknad om asyl på grunn av kjønnsbasert forfølging, har gått til sak mot den norske staten. Etter skilsmisse på grunn av skuldingar om utruskap har ho flykta fordi ho har vore redd for at eksmannen eller hennar eigen familie skulle drepa henne.