Den som ikkje vil snakka om dei mange fordelane for den vanlege tyskar burde tia om nasjonalsosialisme og om holocaust, meiner Götz Aly, ein av Tysklands fremste holocaustforskarar. Dette er ei av hovudtesene i Alys i nyaste bok «Hitlers Volksstaat. Raub, Rassenkrieg und nationaler Sozialismus» (Hitlers folkestat. Ran, rasekrig og nasjonal sosialisme).Aly har vridd om på filosofen Max Horkheimers ord om at den som ikkje vil snakka om kapitalisme burde tia om fascismen. I løpet av få år klarte nazistane å skapa ein stabil stat med massiv folkeleg oppslutnad, heilt ulik den borgarkrigsliknande situasjonen i Weimarrepublikken. Aly fann ikkje forklåringa på dette i nazistisk ideologi og fanatisk førarkult, men i økonomien. Nasjonalsosialismen var nettopp ein nasjonal sosialisme, ifylgje Aly. Hitlerregimet vann folket ved hjelp av velferdsgodar.