I går kveld var det fest på Svartlamon i Trondheim. Ein storveges sermoni med performancegruppa The Four i spissen markerte at verdas høgste bustadhus i massive treelement no er klart til innflytting, etter veker med hektisk dugnad. Bustadaktivistane på Svartlamon har ikkje berre lykkast i å ta vare på dei gamle trehusa som var truga av riving og rasering, men har også vore med på å få reist eit nytt nybygg som er eineståande, både bustadpolitisk og bygningsteknologisk. Medan dei fleste som no flyttar inn, har vore med i ein lang planleggingsprosess, fekk LIne Antonsen i siste runde tilbod om å overta for ein annan som trekte seg.