Justiskomiteen i Stortinget la i går fram innstillinga si om erstatningsordningar for krigsbarn. Regjeringspartia og Frp støttar regjeringa sitt tidlegare framlegg om 20.000 kroner som ein minstesum som erstatning for dei krigsbarna som har vore utsette for mobbing, basert på ei eigenerklæring. Arbeidarpartiet vil auka til 40.000 kroner, medan SV vil setja minstesummen til 60.000 kroner, og får støtte frå Sp. Dei som kan dokumentera alvorleg skade som følgje av mobbing, vil kunna forventa ein større erstatningssum innafor ramma for billegheitserstatning på 200.000 kroner.