Litteraturkritikar i NRK Tom Egil Hverven har merkt seg debatten som har oppstått i kjølvatnet av Ronny Ambjörnssons «Mitt förnamn är Ronny» og Lars Ove Seljestads «Blind». Han synest å sjå ei fornya interesse for å forstå bøker ut frå eit klasseperspektiv, sjølv om temaet på ingen måte er nytt:– Klassereisa er ein gamal tematikk i norsk litteratur. Du finn det allereie i Garborgs «Bondestudentar». Det er ikkje lett å tenkje seg ein roman som på like slåande vis skildrar det skamfulle ved å bryte ut av ein sosiologisk samanheng, seier Hverven.