I intervjuet med 60-årsjubilanten og RV-politikaren i Bodø, Brigt Kristensen, i Klassekampen 23. desember, uttaler han følgjande: «Det er ingen tvil om at grunnplansrørslene må gå inn for regjeringsskifte. Vi må gå inn for ei ny regjering som skal stogga frammarsjen til nyliberalismen». I Klassekampen 4. januar uttaler derimot leiar av RV i Rogaland, Asgeir Bell, følgjande: «Vi oppfordrer SV til å legge bort alle planer om å danne regjering med Ap.»Kva meiner RV eigentleg om regjeringsspørsmålet i 2005? Vil RV delta i ei mobilisering for ei ny regjering, slik Brigt Kristensen (og RV i Nordland?) synest å meine, eller skal vi legge bort alle planar om ei slik regjering, slik RV i Rogaland meiner? Er det Brigt Kristensen eller Asgeir Bell som representerer det offisielle synet til RV? Eller har ikkje RV noka sjølvstendig meining om regjeringsspørsmålet i det heile? Har RV stilt fylkeslaga sine «fritt» i denne saka? Kva meiner i så fall RV i Oslo og RV i Hordaland? Og så bortetter.