I lokalet som før inneheldt ein skofabrikk som var ein viktig kvinnearbeidsplass i Sokndal, lengst sør i Rogaland, er det meste klart for å starta ny verksemd som kan gi nye arbeidsplassar. Eigentleg har Aurora, Randi, Aud og Janna starta. Mange kvinner har gått på tovekurs, dei har lært å laga tøflar, luer og sitteplater, og planane er klare for mykje anna som kan lagast av ull, eit billegg råstoff det finst mykje av på denne kanten av landet. Dei har fått i hus farga ull frå Sjølingstad Uldvarefabrik, og dei har testa marknaden. Aud Braathen Eia og Janna Herveland har etablert verksemda AuRan Ull.