Eit av ja-sida sine mest vulgære argument mot oss som seier nei til norsk EU-medlemskap er at vi seier nei til Europa. Dette blir dei aldri lei av å gjenta, seinast i Klassekampen 21. desember 2004 i eit innlegg av Petter Wold, medlem av «Radikalt Europa». Her skriv han: «Parallelt med at rapporten kommer ut, reiser Nei til EU kampen mot det meste av internasjonalt samarbeid og internasjonale avtaler – deriblant EØS-avtalen. For å vise nordmenn hvor skadelig EØS-avtalen er (som alt annet som har med Europa å gjøre)....» Eg treng ikkje sitere meir. Dette er nok til å vise at vi her har å gjøre med ei forening som ikkje er interessert i konkret analyse av fakta, men i å spreie løgner om sine motstandarar.