Både talet på fiskarfarty og talet på fiskarar har gått kraftig ned dei seinare åra, går det fram av Fiskeridirektoratet sine register. I løpet av 2004 vart 1407 fiskarar borte frå fiskarmanntalet. Ein del av desse er deltidsfiskarar, men også ei rekkje heiltidsfiskarar har forsvunne frå fiskarmanntalet. Arvid Ahlquist, dagleg leiar for Troms Fiskarfylking, ser nedgangen dels som ei vidareføring av ein langsiktig tendens, der effektivisering i fiskarflåten er eitt av fleire element. Men sjølv om ein del av rasjonaliseringa kan vera nødvendig, er han uroleg for rekrutteringa til fiskaryrket.