Ordskiftet etter Kjartan Fløgstads bok «Brennbart» har mest kome til å dreie seg om det som for han var to underordna emne: distriktsvariasjonen i tilslutnad til NS under krigen, og «historieskrivinga» til Hans Fredrik Dahl og Lars Roar Langslet. Fløgstad og andre har etterlyst fleire historikarar i ordskiftet. («Tause historikere», Stein Ørnhøi, Aftenposten 11. desember 2004) Eg vil prøve å føre ordet attende til det omfattande, viktige og aktuelle emnet Fløgstad eigentleg tok opp.