Solidaritetslista av SV, RV og partilause påstår at budsjettavtalen frå formannskapet på Notodden tysdag er ein siger. Varaordførar Asgeir Drugli stilte ultimatum mot privatisering av Haugmotun sjukeheim. Ordførar Bjarne Bakken (Ap) ga seg, og avtalen var i boks. Då hadde Ap sentralt blanda seg inn. Fylkessekretær Harald Olsen kom som representant for det sentrale partiapparatet til medlemsmøtet måndag kveld. Der var det stor motstand mot ordføraren sin vilje til å setja sjukeheimen ut på anbod.