Sogn Jord- og Hagbruksskule (SJH) i Aurland i Sogn og Fjordane, som har snart tjue års erfaring med drift og undervising i økologisk landbruk, har elevar frå heile landet. Berre 14 prosent av elevane kjem frå Sogn og Fjordane. Til no har skolen hatt status som «landsline» i systemet for vidaregåande skolar, og med det vore sikra ei toppfinansiering med eit tilskott på 1,6 millionar frå staten, i tillegg til driftstilskott som til saman utgjer mellom åtte og ni millionar kroner i året.