– Coca-Cola har så dårleg minne at det kan gjera selskapet ute av stand til å rydda opp etter seg, seier kampanjeansvarleg Tarje Wanvik i Kirkens Nødhjelp. Han ler av at Coca-Cola Noreg valde å skulda på veret i Klassekampen i går, der vi fortalte at selskapet opplevde ein marknadssvikt på 24 prosent i tredje kvartal, samanlikna med fjoråret. Wanvik minner om at det er ført ein internasjonal kampanje mot Coca-Cola det siste året. Protesten er retta mot at selskapet har gått laus på grunnvatnet i indiske Kerala og skapt øydeleggjande urening av matjorda der.