Innføringa av makspris på 2750 kroner for ein heildagsplass i barnehage har generelt ført til nedgang i barnehageprisane. Ser ein private og kommunale barnehagar under eitt, har prisane gått ned med i snitt 8,3 prosent frå august i fjor til august i år, i dei kommunale barnehagane er nedgangen i snitt 3,7 prosent. Trøndelag er den regionen som har hatt størst nedgang i dei kommunale barnehagane – 8,5 prosent. Men store delar av Austlandet har hatt ein viss prisauke sia siste årsskiftet, viser ny statistikk frå Statistisk sentralbyrå (SSB).Ser ein alle austlandsfylka under eitt, med unntak for Oslo og Akershus, har prisane i kommunale barnehagar i snitt gått opp med om lag 1,5 prosent frå januar 2004 til august 2004. Hovudstadsområdet har derimot hatt ein nedgang på 2,2 prosent i den same perioden.