Han flykta for å unngå fengsling i Etiopia, og fryktar for livet om han må reisa tilbake. Muluken Debele Tabor (37) er ein av dei som har mista retten til å bu i asylmottak etter at han fekk endeleg avslag på asylsøknaden. Medan han budde på asylmottak i Nord-Noreg arbeidde han på fiskemottak, og har skriftleg lovnad om meir arbeid. Men vilkåret er at han har arbeidsløyve, og det får han ikkje så lenge han ikkje har lovleg opphald i landet.