Du kan bla til neste sideBla med piltastene

Fekk munnkorg i «Plata-debatten»

Magnhild Folkvord11. juni 2004

Sjukepleiar Wenche Tveit i Oslo kommune fekk forbod mot å vere med i debatten om i Redaksjon EN i NRK måndag om rusmisbrukar-miljøet på Plata i Oslo. Tveit jobbar i Oppsøkende tjeneste, som kjenner kvardagen til rusbrukarane i Oslo. Redaksjonen i NRK stadfestar overfor Klassekampen at dei ønska å ha Tveit med i debattprogrammet – i tillegg til byråd Margaret Eckbo – for å få fram dei helsemessige forholda og sannsynlege helsemessige konsekvensar av ei oppløysing av Plata-miljøet. Wenche Tveit vart spurd av sin sjef om ho kunne vera med i debatten, noko ho svara ja til. Men seinare same dag fekk Tveit beskjed frå overordna om at det ikkje skulle vera nokon frå Rusmiddeletaten med i debatten. I staden representerte byråd Margaret Eckbo kommunen i programmet.

Eigendelar med SV-støtte

Magnhild Folkvord11. juni 2004

I bystyret i Oslo onsdag var det ein litt uvanleg koalisjon som tilsaman sikra eit fleirtal for eigendelar på tryggingsalarmar. Høgre, Frp, KrF og SV utgjorde fleirtalet, medan Venstre sine representantar valde å støtta Arbeidarpartiet og RV i den aktuelle røystinga.

Haga-hurra for Norden

Magnus E. Marsdal11. juni 2004

Åslaug Haga satsar på Norden.– Det er uhyre interessant at vi ser ein reell folkeleg vilje til å utvikla tettare nordisk samarbeid som eit alternativ til EU, seier Sp-leiaren.

Knapt 100 år etter frigjeringa frå Sverige meiner Senterpartiet det er på tide å retta blikket mot nabolanda her i nord. Det er ei meiningsmåling som har fått opp den nordiske entusiasmen hos Åslaug Haga. I både Danmark, Sverige og Noreg er det fleirtal for eit nordisk forbund som alternativ til EU-medlemskap, viste målinga som Gallup gjorde for den danske Folkebevægelsen mod EU i mai (sjå faktaboks).