Kampanjen «Fordi vi fortjener det», som krev at Pensjonskommisjonen si innstilling må analyserast ut frå kjønns- og likestillingsperspektiv, får støtte frå stadig fleire organisasjonar. Da kampanjen, som blir koordinert av Likestillingssenteret, vart lansert torsdag 6.mai, hadde den tilslutnad frå 16 landsomfattande organisasjonar, både fagforbund, kvinneorganisasjonar og politiske parti. I løpet av den siste veka har 23 nye organisasjonar slutta seg til. Blant dei er både Norske siviløkonomers forening (1000 medlemmer), Norsk Fysioterapeutforbund (8250 medlemmer), 2fo (Flerfaglig FellesOrganisasjon, 14.500 medlemmer), Kvinnefronten og Kvinnegruppa Ottar.