– Arbeidet til kvinnerørsla i Nicaragua har gjort det tydeleg at «machismo» – machomannen – er ein del av kulturen i landet vårt. For å endra dette må menn inkluderast i endringsprosessen. Dei må dekonstruera sin eigen maskulinitet om dei skal forstå den kampen for likestilling som nicaraguanske kvinnene fører. Det seier Carmen Maria Lang. Ho er programkoordinator for Norsk Folkehjelp i Nicaragua, og sist veke var ho og Patrick Welsh frå den nicaraguanske organisasjonen «Menn mot vald» i Noreg og forelest om «Vald mot kvinner – eit hinder for utvikling».For familievald og vald mot kvinner er eit stort problem i Nicaragua. Så stort at styresmaktene i 1996 kalla det eit problem for folkehelsa. I ei undersøking frå midt på 1990-talet kom det fram at seks av ti kvinner hadde vore utsette for vald – fysisk, psykisk og/eller seksuelt. Og i tre av fire tilfeller var det partneren som var valdsutøvaren.«Machismo»«Menn mot vald» vart etablert i Nicaragua i 2000 for å gjere noko med problemet. Patrick Welsh har også før det vore med på å utarbeida metodar for avlæring av machokultur eller «machismo».