I fjor gav Elizabeth Laird ut ei barnebok som skildra palestinsk oppvekst under israelsk okkupasjon. Resultatet er sjølvsagt ikkje ei forteljing om kor snille israelarar kan vera – okkupasjonsregimet er no eingong slik det er. Protestane frå dei mest lojale var som venta. Men også andre melde seg på for å diskredittera boka. Ann Jungman i «Jews for Justice in Palestine» synest det høvde å låna bort namnet sitt: «Boka var god, men eg synest likevel ho var einsidig. Det er ikkje det som står i boka eg protesterer på. Det er det som ikkje er tatt med. Det burde vore eit breiare bilete. Alle palestinarane er vetuge, alle israelarane er monster.»