Sosialisme har vi ikkje prøvd, men vi har prøvd noko som «smaka» av sosialisme. For meg er sosialisme folkehushald: Omsorg og ansvar som tidlegare vart organisert innafor storfamiliane blir organisert innafor større fellesskap: lokalt, regionalt, nasjonalt og globalt. I den gamle storfamilien var det kvinnene som hadde ansvaret for hushaldet, mens mennene drog på erobringstokter, først jakt, seinare vikingtokter, erobring av koloniar og marknader, krig og ran. For meg må sosialismen bannlyse erobringa og «dyrke» hushaldet og omsorga innetter! Sosialisme føreset nedriving av alle klassesamfunn – og ikkje minst: slutt på kapitalismen og slutt på produksjon med profitt og akkumulasjon av rikdom som siktemål.