Hans Husum, krigskirurg og leiar for Mineskadesenteret ved Universitetssjukehuset i Tromsø, har dei siste 25 åra arbeidd med å utvikla metodar for livreddande førstehjelp i område i sør der folk er skadde av bomber, miner og fattigdom. No har han disputert for den medisinske doktorgraden, og det markerer ein viktig milestolpe for gjengen i Tromsø og kollegaene deira på landsbygda i Sør. Tromsømodellen har lært folk på landsbygda korleis dei sjølve med enkle middel kan utføra livreddande førstehjelp, i staden for å lita på høgt kvalifiserte medisinske ekspertar.