Årets Skjervheim-seminar på Voss i helga fekk ei uventa hissig avslutning, med ei krass replikkveksling mellom litteraturkritikar Tom Egil Hverven og Bernt Hagtvet. Hagtvet harselerte meir eller mindre med Hverven sitt føredrag om Gudsomgrepet hjå Solstad, og skulda Solstad nok ein gong for å bagatellisere det politiske og moralske ansvaret til ml-rørsla. Som referert i Klassekampen i går svarte Hverven med å stille spørsmål ved Hagtvets bråsikre debattform, og for ikkje å sjå ambivalensen, tvilen og alvoret som ligg i heile Solstads forfattarskap.