Per Flys «Arven», med stjerneskodespelarar som Ulrich Thomsen («Festen») og Ghita Nørby i hovudrollene, er den store suksessen på danske kinoar i år. Snart har ein halv million sett lagnadsdramaet om Kristoffer, «arveprinsen» til eit stort stålverk, mannen som mot sin vilje må ta over familiebedrifta då faren plutseleg tar livet av seg. Kristoffer må velja mellom kjærleiken til den unge, vakre skodespelarkona si og familiepliktene, som den beinharde mora hans sterkt appellerer til.