** Dagbladet har «berga» ein hendingslaus mediesommar med endå eit oppgjer med AKP, ført i pennen av professor Bernt Hagtvet. Juvelen i «aktoratet» si samling av prov er sjølvsagt fotoet av ein entusiastisk Pål Steigan som handhelsar på Pol Pot. Når ein ikkje har slike historiske artefaktar, kan det vera freistande å konstruera inkriminerande retoriske koplingar, som fungerer best utan ord. Sist sundag trykte avisa ein heilsides «plakat» med passfoto av sentrale AKP-arar som opplagt skulle gje assosiasjonar til etterlysingsplakatane frå jakta på Baader-Meinhof.