Studentane strøymer til dei såkalla orientalske studia på universiteta i Bergen og Oslo, nok eit døme på at intressen for Midtausten og for arabisk kultur, politikk og språk har auka enormt dei siste åra. Det er ein av grunnane til at studentar frå arabisk, religionshistorie, antropologi, statsvitskap og fleire andre fag gjekk saman om å starta tidsskriftet «Babylon – Et magasin om Midtøsten». Dei har alt mottatt mange godord frå etablerte akademikarar i heile Norden, og eit jamt sal i Narvesen tyder på at mange utanom akademia også er interesserte i tematikken.