Regjeringa presenterte fredag sitt framlegg til trygdeoppgjer: 4,73 prosent årsvekst i grunnbeløpet i folketrygda, nøyaktig det same tilbodet som førte til brott i trygdeforhandlingane for vel ei veke sia. Regjeringa sitt framlegg er å auka grunnbeløpet med 2374 kroner, slik at det frå 1. mai blir på 56.544 kroner. Ifølgje arbeids- og administrasjonsminister Victor Normann (H) skal tilbodet gjera pensjonistane til årets lønnsvinnarar, melder NTB. Framlegget vekkjer sterke reaksjonar i Stortinget.