– Vi må ikkje la fagrørsla utvikla seg til å bli ein kamporganisasjon for moderate lønnsoppgjer, åtvara Per Østvold, leiar for Norsk Transportarbeiderforbund, da han heldt innleiing om tariffpolitikk på LO i Trondheim sin årlege konferanse i helga. Han snakka til ei engasjert forsamling av meir enn 200 fagorganiserte og tillitsvalde frå heile landet. Transportleiaren markerte tydeleg at han er heilt ueinig med forbundsleiarkollega Kjell Bjørndalen, Fellesforbundet, i synet på moderasjon i lønnspolitikken.