Til jul fekk Per-Arne Henriksen eit krav frå den kommunale Boligbedriften i Oslo om å betala ei ekstrarekning på vel 8000 kroner. Dette i tillegg til det han gjennom året hadde betalt for å dekkja utgifter til varmt vatn og oppvarming i den 54 kvadratmeter store leilegheita. Til saman vart rekninga på vel 14.300 kroner for eitt år. Naboen over har fått ei liknande rekning. Her er det eitt rom meir, men likevel er rekningane på meir enn det dobbelte av det som det etter eit nøkternt reknestykke skulle ha kosta å varma opp desse leilegheitene med elektrisitet i den same perioden.