– Det finst englar. Dei hjelper Gud. Og dei kan hjelpa meg og, om Gud vil det, forklarer ei av sjuåringane vi møter på Fjell skole. Ho er ikkje heilt sikker på om det er englar i Pakistan, som er heimlandet til foreldra hennar, men trur i grunnen det når ho får tenkt seg om. Fahrat har mykje å sjå fram til dei næraste dagane. Når Klassekampen er på besøk i den første adventveka, er det juleverkstad på skolen. Dei neste to dagane skal ho ha fri frå skolen for å feira den muslimske høgtida id i lag med familien sin og deira venner, og dagen etter id-feiringa fyller ho sju år.