I siste nummer av Samtiden gjekk filosofen Peder Anker i rette med det han kalla den norske myten om Arne Næss som ein stor internasjonal filosof. Anker har sett nærare på ulike internasjonale bokmeldingar av Næss sine bøker, og funne at den norske filosofinestoren heilt fram til han slo gjennom som økofilosof, fekk ein lunken omtale av amerikanske og britiske kollegaer. Fleire har hevda at artikkelen til Anker ikkje held mål. Mellom anna fekk Anker i førre vekes Klassekampen kritikk for både å vere uvitskapleg, dårleg i metode og selektiv i kjeldebruk. Filosofane Rune Slagstad og Gunnar kalla artikkelen tynn, og stilte seg undrande til kritikken av Næss.